Fiansa

Fiansa

For di momentu ku un miembro tin 3 luna den KEP e ta bini na remarke pa hasi un fiansa.Kada miembro por fia te un máksimo di 5 bia su akshon. Petishon pa fiansa ta keda reglá den un fregá di wowo, e proseso ta simpel i sin niun dolo'i kabes. Komo ku e kondishonnan ta fleksibel, e porsentahe di fiansa ku ta desaprobá ta hopi chikí.

Fiansa Personal

Pa tur fiansa ku bo hasi na KEP un interes flèt di 6.5% ta aplikabel. Esaki ta e opshon mas faborabel aki na Kὸrsou.

Mester presentá ku 2 último slep di salario òf penshun, 2 último statement di banko i último statement di bo tarheta di krédito. Komo ku pagonan ta bai via salario, no tin kobransa di OB riba e montantenan enbolbí i ademas KEP no ta kobra gastu atministrativo ni seguro di riesgo. KEP no ta eksihí pago na man tampoko. Hasiendo fiansa na KEP bo ta bini na remarke pa risibí parti di bo interes ku bo a paga bèk den forma di dividendo. Ningun instituto finansiero ta ofresé un dil mas faborabel.

Fondo 70+

Miembronan penshonado por sigui disfrutá di e benefisionan di KEP. Pero hopi biaha ta difísil pa personanan riba 70 aña haña un fiansa. P'esei a krea un fondo speshal pa kubri e riesgonan enbolbí.

Fondo 70+ ta hasi posibel pa miembronan di KEP riba 70 aña, kontinuá nan fiansanan i tambe hasi fiansanan nobo. Miembronan riba 70 aña por hasi fiansa te ku 10.000 florin. Komo miembro di KEP bo por ta sigur ku bo asuntunan finansiero ta den bon man, asta hopi despues di bo añanan di trabou.

Fiansa Chikí

Por presentá gastu pa kua un miembro tin nesesidat rápido di un montante chikí. Den e kasonan aki por hasi uso di Fiansa Chikí ku no ta relatá na e montante di akshon di e miembro.

Aplikashon ta posibel te na un suma máksimo di Fl.2000,= i un tèrmino di pago bèk di máksimo 15 luna. Por hasi petishon manteniendo un fiansa eksistente ku si ta relatá na montante di akshon. Den kaso di Fiansa Chikí no ta permití kambio di fiansa, pues mester kaba di pag'é bèk kompletu promé ku por apliká pa un otro. Tur sobrá reglanan pa fiansa relatá na akshon ta aplikabel tambe pa Fiansa Chikí, entre otro kalkulashon di un tersera parti, seguro di fiansa, entrega di 2 último slep di salario, 2 último statement di banko i último statement di credit card.

Kompra Kolektivo

KEP ta boga pa brinda oportunidat amplio pa su miembronan sigui desaroyá.

Pa kumpli ku e propósito aki KEP ta hasi kompra kolektivo di diferente tipo di produkto, aparato i otro instrumento edukativo. Di e manera aki miembronan ta risibí un bentaha den preis i alabes e oportunidat di desaroyo pa nan mes i nan famia.
Miembronan por hasi uso tambe di e asina yama “karta di garantia” pa hasi kompra na diferente establesimentu por ehèmpel Wimco, Polytronica, Better Deals, Omni i vários mas.
Pa ámbos tipo di kompra miembronan por paga bèk den un tèrmino máksimo di 12 luna.

Papiamentu

Notisia

Laga bo e-mail adres pa keda na altura di tur informashon i akontesimientu