miembresia KEP

Ken nos ta?

KEP ta un organisashon solvabel ku resultado sólido i sufisiente likides pa kumpli ku demanda di su miembronan. Ta invertί sèn di spar di nos miembronan primeramente den fiansa na otro miembro. E sobrá ta invertί den bono i fondonan ku riesgo hopi abou. Komo un prekoushon nos ta sigurá nos fiansanan pa asina protehá nos miembronan.

Estadístikanan di 2016

Akshon di Miembronan Fl. 19.300.000
Invershon di Miembronan Fl. 2.600.000
Depósito di Miembronan Fl. 3.400.000
Surplus 2016 Fl. 300.000
Fiansa Total Fl. 13.900.000
Bienes Total Fl. 28.200.000

Historia

Credit Union KEP (Kooperativa KEP) ta duna servisio ekselente pa mas ku sinkuenta aña kaba. Fundá na 1966, KEP tabata atmitί solamente empleadonan di Refineria i/ὸf di kompanianan ku ta afiliá na e Refineria.

Su liña di servisio úniko i kombiniente ta loke prinsipalmente a pone ku KEP a krese kontinuamente durante añanan, desaroyando den un Credit Union formal i establesé ku mas ku 2900 miembro afiliá i mas ku Fl.28 mion na propiedat. KEP su staf tambe a desaroyá simultaneamente i awe profeshonalnan kapas ta sigurá ku KEP ta manehá ku vishon i ku su miembronan ta risibί e kalidat di servisio ku nan ta spera. Na aña 2000 i 2005 e statutonan di e Credit Union a keda adapta, habriendo asina e posibilidat pa empresanan lokal por afiliá ku un mínimo di 5 miembro. Awor tantu e kompania i su empleadonan, komo nan kasá i yunan mayor di edat por disfrutá di e benefisionan di KEP. E kantidat di miembronan afiliá, ku ta kere firmemente i ta pone nan konfiansa den KEP su forsa i benefisionan, ta kresiendo ketu bai.

Ya pa 50 aña kaba, Credit Union KEP ta brindando un surtido amplio di servisionan di kalidat na su miembronan. Forsa tras di e servisio aki ta nos konvikshon den nos mishon, ku ta bisa asin’akί:

  • Credit Union KEP ta brinda servisio profeshonal, kumbiniente, konfiabel i personal basá riba e nesesidatnan spesífiko di nos miembronan. Nos lo aloká nos rekursonan finansiero i humano na e manera mas efisiente pa asina garantisá ku nos organisashon ta keda unu stabil, salú, seif i sólido ku kontinuamente ta desaroyá i ta sigui mehorá.
  • Nos meta ta pa promové sparmentu i brinda miembronan e oportunidat pa invertí den e credit union i hasi fiansa ku kondishonnan fleksibel. Den nos afan pa kumpli ku nesesidat di nos miembronan KEP ta boga pa, mediante mehorashonnan kontinuo, keda un paso dilanti pa loke ta trata desaroyonan den sektor finansiero i di nos kompetidornan. Ademas, nos ta pone énfasis riba aspektonan edukativo ku ta stimulá i eduká nos miembronan.

KEP ta un organisashon solvabel ku resultadonan sólido i sufisiente likides pa kumpli ku demanda di su miembronan. Ta invertί sèn di spar di nos miembronan primeramente den fiansa na otro miembro. E sobrá ta invertí den bono i fondonan ku riesgo hopi abou. Komo un prekoushon nos ta sigurá nos fiansanan pa asina protehá nos miembronan.

Supervishon di Banko Sentral

E último desaroyo den Credit Union, i probablemente esun mas importante di siglo 20, ta e kambio di e lei ‘Landsverordening toezicht bank- en kredietwezen’. For di 1994 e lei aki ta stipula ku tur Credit Union mester di un pèrmit pa operá i konsekuentemente ta kai bou di supervishon di Banko Sentral. Na aña 2005 KEP a haña un rating hopi bon durante e audit ku a tuma lugá.

Papiamentu

Notisia

Laga bo e-mail adres pa keda na altura di tur informashon i akontesimientu