Servisionan Adishonal KEP

Servisionan Adishonal

Aparte di e servisionan relatá na metanan prinsipal di KEP, ta ofresé miembronan servisionan adishonal manera, Fondo di Entiero, Family Indemnity Plan, miembresia na Building Depot, pago di impuesto di outo i hopi mas.

Fondo di Entiero

Nos tur sa ku nos tin ku bai un dia. Pero ‘un dia’ ta un tempu indefiní i nos ta kla pa posponé e pensamentu aki. Konsekuentemente hopi biaha nos ta kuminsá plania muchu lat pa e dia aki.

Awendia gastu di un entierro básiko por kuminsa for di 7.000 florin. Pa yuda kubri e gastu aki Kooperativa KEP ta ofresé su miembronan i nan famia e servisio aki ku ta enserá lo siguiente:

  • Un miembro di KEP ta sigurá pa 4.000 florin kontra riesgo di fayesimentu.
  • Esposa òf partner legítimo ta sigurá pa 3.500 florin kontra riesgo di fayesimentu.
  • Yu(nan) natural òf rekonosé, ku no ta kasá i ku no a yega edat di 18 aña ainda òf ku ta sigui skol di dia i no a yega edat di 25 aña ainda òf ku tin un desabilidat total i/òf no ta traha i no a yega e edat di 29 aña ainda, ta sigurá pa un suma di 1.500 florin.

Na momentu di fayesimentu, KEP ta ofresé bo un sosten finansiero signifikativo ya ku KEP ta tuma prima di e seguro aki pa su kuenta.

Pa reklamá kompensashon bou di Fondo di entiero den kaso di fayesimentu e sosio òf esun enkargá mester presentá ku e siguiente dokumentonan:

  • Sertifikado di fayesimentu (overlijdensakte)
  • Kopia di troubuk, si e sosio ta kasá
  • Prueba di “Samenlevingsovereenkomst” (den kaso di partner)
  • Prueba firma pa un representante di e skol ku e yu tabata bishitá.
  • Prueba di hospital ku ta indiká ku e persona a fayesé i ku por der’é

Den kaso di fayesimentu di un miembro kende su kasá/partner tambe ta miembro por reklamá e kompensashon bou di Fondo di entiero solamente komo miembro.

Por reklamá kompensashon bou di Fondo di Entiero te ku máksimo 1 aña despues di fayesimentu di e partisipante den e fondo.

Family Indemnity Plan

Pa komplementá KEP su Fondo di Entiero ta duna miembronan e posibilidat di apliká pa un di e 4 plannan di entiero ku kompania di seguro CUNA Mutual Insurance Society ta ofresé manera indiká mas abou. Por akapará 6 miembro di famia bou di un pólisa pagando un suma relativamente abou pa luna.

E “Family Indemnity Plan” ta ofresé konsuelo finansiero den tempu difísil, dunando benefisio kèsh pa kubri gastu di entiero pa bo mes i pa bo miembronan skohé legalmente.

Bentahanan di e plan pa kubri gastu di entiero ta inkluí:

  • No mester hasi tèst médiko ni kontestá pregunta
  • Kobertura ta pa bida largu
  • Ta paga claim denter di dos dia
Opshon Montante Gastu pa luna
Plan A ƒ 5000 ƒ 26,40
Plan B ƒ 7.500 ƒ 39,60
Plan C ƒ 10.000 ƒ 52,80
Plan D ƒ 15.000 ƒ 79,20

Karchi di miembresia Building Depot

Miembronan por optené via KEP, un karchi di miembro di Building Depot na un tarifa redusí. Tambe por paga saldo habrί via di KEP.

Pago di impuesto di outo

Na tur komienso di aña KEP ta ofresé miembronan e posibilidat di paga nan impuesto di outo den tèrmino fleksibel. E miembro por paga bèk den 6 òf 10 luna dependiendo si KEP a paga mitar òf henter aña p’e.

Seguro

Miembronan ta optené un deskuento riba nan prima anual si apliká pa seguro via di KEP na kompanianan di seguro ASKA òf Guardian. Mester paga e prima anual bèk den un periodo máksimo di 10 luna.

ASKA

ASKA

Konsiertonan popular

Kompra di bo karchi di Curacao North Sea Jazz Festival, Viva La Musica Latina òf otro konsierto popular tambe por via KEP, unda por paga tambe den tèrmino òf den un biaha. Pasa na nos ofisina i hasi bo petishon i denter di un siman bo tin bo karchi den bo man.

Papiamentu

Notisia

Laga bo e-mail adres pa keda na altura di tur informashon i akontesimientu