spar KEP

Posibilidat di Spar

Meta prinsipal di KEP ta pa promové sparmentu i brinda miembronan e oportunidat pa invertί den Credit Union. Pa e motibu aki KEP ta duna un variedat di kuenta pa skohe for di dje i asina kumpli ku demandanan di spar a korto i largo plaso.

Kuenta Depósito

KEP su Kuenta di Depósito ta un kuenta di spar ku ta duna bo e fleksibilidat di depositá i lanta bèk ora ta nesesario.

Interes riba e kuenta aki ta 2% pa aña ku ta e mihó alternativa kompará ku otro instansianan finansiero. Ademas KEP no ta kobra gastunan atministrativo, loke ta hasi e kuenta di spar aki mas atraktivo na Kòrsou pa loke ta trata invershon a korto plaso.

Invershon

Por habri un Invershon for di un suma mínimo di 1000 florin na un interes atraktivo pa aña i un tèrmino di 1 aña.

Esaki ta enserá ku durante e periodo aki e montante no ta aksesibel pa bo. Si akaso despues di 1 aña bo no tin mester di e montante, ta renobá bo invershon outomátikamente pa un aña adishonal.

Sparplan Hubenil

Muchanan entre 0 pa 18 aña tambe por spar serka KEP. Un miembro por introdusí un yu, famia òf konosí menor di edat.

Lo habri un kuenta di depósito pa e yu/famia/konosí ku un interes di 3% pa aña. Kada hóben lo haña 3% bónús si nan a spar tur luna durante 2 aña konsekutivo i no a lanta sèn mas ku un biaha pa aña. Por spar for di un montante mínimo di 5 florin pa luna te un máksimo di 250 florin pa luna.

Papiamentu

Notisia

Laga bo e-mail adres pa keda na altura di tur informashon i akontesimientu