News

Estimado Sosio,

Direktiva di KEP ta partisipá na tur miembro, ku durante próksimo reunion general statutario, lo tene elekshon pa yena puestonan vakante den direktiva i otro órganonan statutario di KEP.

E puestonan vakante e aña aki ta pa:

• Direktiva
  2 miembro
• Hunta di Komisario
  3 miembro
• Komishon di Krédito
  3 miembro

Tuma nota ku for di dia 19 di aprel 2024 te ku dia 29 di aprel 2024, miembronan por postulá kandidato pa elekshon, konforme regla i kondishonnan stipulá den reglamentu doméstiko.

Formulario pa postulashon di kandidato i tambe dokumento ku reglanan ta disponibel na ofisina di KEP entrante 22 di aprel 2024.

• Djaweps 27 di april ta será hinter dia
• Djabièrnè 28 di april ta será hinter dia
• Djaluna 1 di mei ta será hinter dia

Pa medio di e konvokashon aki sosionan di Kooperativa KEP ta keda invitá na un REUNION GENERAL pa trata Presupuesto pa aña 2023 segun stipulashon di Artíkulonan 37 i 39 di Statüt di KEP. E reunion aki lo tuma lugá:

• Fecha: Djadumingu 27 di novèmber 2022
• Ora: 09:00 – 11.00 ora
• Lugá: Oula University of Curaçao (UoC)

AGÈNDA

1. Apertura
2. Determinashon di kuórem
3. Aprobashon di agènda
4. Partisipashon
5. Nótulo reunion di Presupuesto 2021 di fecha 7 di november 2021
6. Presentashon Presupuesto 2023
7. Aprobashon Presupuesto 2023
8. Turno Liber
9. Klousura

Tur dokumento relevante ta disponibel na Ofisina for di djaluna 21 di novèmber 2022 for di 12’or di mèrdia.

Nos ta enkurashá nos sosionan pa registrá pa nos tin un bon bista adelantá riba e asistensia na e reunion.

Atenshon
Si no alkansá kuórem pa e reunion aki, un otro reunion lo tuma lugá pa 10:00’or di mainta ku òf sin kuórùm konforme siguiente konvokashon:

KONVOKASHON II

REUNION GENERAL PRESUPUESTO 2023

Direktiva di Kooperativa KEP ta yama tur sosio konforme stipulashon di Artíkulonan 37 i 39 di Statüt pa un REUNION GENERAL pa trata Presupuesto pa aña 2023 ku lo tuma lugá:

• Fecha: Djadumingu, 27 di novèmber 2022
• Ora: 10:00 – 12:00 ora
• Lugá: Oula University of Curaçao (UoC)

E agènda ta igual na esun di e reunion konvoká pa 9’or di mainta.

Tur desishon ku tuma den e reunion aki ta bálido.

Apresiabel miembronan, Pa medio di e komunikado aki Direktiva di KEP ta partisipá na su miembronan, e konstelashon di e diferente órganonan statutario despues di e reunion general, ku a tuma lugá dia 15 di mei 2022. Download e komunikado pa tur detayes..

Despues di a traha intensivamente pa restablesé nos servisio di ofresé 'Historia di Kuenta" "History" riba nos plataforma "miKep", nos ke anunsiá ku esaki ta operashonal atrobe huntu ku e servisio di "Estado di Kuenta" (Statement).

Pa medio di e komunikado aki, Direktiva di Kooperativa KEP ta informá su sosionan ku e Reunion General pa trata Presupuesto 2021 ku originalmente tabata programá pa djadumingu 25 di yüli lo no por wòrdu efektuá pa motibunan fuera di alkanse di Kooperativa KEP.

Download e flyer aki pa hanja tur informashon tokante metanan, tarea i rol di FEKOSKAN.

Registra awor pa nos International Credit Union Day 2019. Entrada ta GRATIS!

Esaki ta e di dos edishon di "Nos Prikichi" pa ana 2008 i e di dos kuartal di e ana koriente a kaba di termina. Tempu ta pasa masha rapido i ta p'esei ta hopi importante pa hasi bon uso di e tempu ku nos tin disponibel.

Nos ta para un bes mas na final di un otro ana. Un ana yen di reto, pero tambe yen di logro. Den e edishon aki nos ke komparti ku bo e puntonan ku mas a sobresali den 2007. Nos miembresia a sigui crese durante di 2007.